Stalin Tha Cung Lian nih a facebook ah thawngthanhnak a ttialmi;

India ram New Delhi khua in Mang Hlei Cung nih a tialmi “Vawleicung Miroling” Cauk cu Release (Tlangzarhnak) 4 November ni ah tuah a si cang.

Hi cauk chung ah vawleicung miroling le biaknak lei in miroling pawl cawh in minung 25 hna kong tlingte in cahmai 200 leng in tialmi a si.

Hi cauk biahmai`hi ah Perhkalh nih a tial i cauk he pehtlai in Salai Joel Ling, Zasang Cinzah le Rev. Dr. J. Tial Awi nih comment an pek/tialmi telh chih a si. Ahran reltu ah Salai C. Thong Luai Hmung a si i cauk phaw le tamhmoihtu ah Robbert Hram Hlei Cung an si hna. Copies 1,035 chuah a si i a ruahhlan ah Laimi umnak hmun hna ah an phan colh lai tiah thawng theih a si.

““Vawleicung Miroling” timi cauk hi “Thenkhatnak” le “Thenhnihnak” tiah a then. Thenkhatnak ah Conficius kong Bawi Jesuh konglam he pehtlaihnak a ngei timi in aa thawk i, Aristotle le Socrates in Muhammad le kan pi Aung San Suu Kyi tiang an konglam le an tuanbia vialte a tial. Zeitindah a theih cawk tiawk in an konglam a tling dih khirkhiar. Thenhnihnak ah Bawi Jesuh zultu Thomas le Paul konglam in a thawk than i, Martin Luther le Mother Teresa in Sadhu Sundar Singh le Billy Graham tiang an konglam tling khitkhiat in a tial than. Hi liangluang minung hna an konglam le an sining tuanbia vialte a kawl, a rel, a khawmsuat hnuah a tial rih i cauk in a kan chuah piaktu Mang Hlei Cung hi pumpak in ka upat ngaingai. Hi cauk hi Laimi nih kan i ngeih cio i kan rel ve cio ko ahcun Laitlang khuate pakhat ah khua a sami khuate fa hmanh si ko usih law, a thangcho tuk cangmi le aa thleng cuahmah mi vawleicung ah kan i tlum ve hrimhrim ko lai tinak a si,” tiah hi cauk biahmaithi tialtu Perhkalh nih a ti.

Posted in Books and Literature

Related Listings

Write a review