Contact person:

1. Rev. Sai Lian Thang
0422 106 269

2. Pastor Peng Ling
0422 516 842

3. Rev. Dr. Dennis Shu Maung (Hon.)
0412 835 880

Kong Tawi:

Baptist Union of Victoria (BUV) chungtel sinak

MCC khrihfa bu cu Melbourne Chin Christian Fellowship (MCCF) min in November 4, 2000 ah a rak dir hmasa. December 7, 2001 in BUV ah Fellowship min in pehtlaihnak a rak ngei. MCCF min cu August 6, 2006 ah Melbourne Chin Church tiin min rak thlen a si. BUV ah Fellowship min in pehtlaih le Church min pehtlaihnak cu ai dan caah Church min in pehtlaihnak ngeih ding in khuakhan than a rak si. Bianaah, Church min in pehtlaih ahcun biakinn sak duh tik ah chawva cawi khawh a si. Anmah BUV chungtel tling sinak ding caah rianttuan tu upa hna cu kumthum chung an sin ah cawlcanghnak ngeih a rak si. A tu bantuk in kumthum chung an sin cawlcangh le rianttuan a herhnak cu kan bu min ah BAPTIST min aa tel lo caah a si. Octorber 10, 2009 ah BUV nih chungtel tling CHURCH pakhat ah pom le cohlan in thluachuah an rak kan pek.

Mission Background

Melbourne Chin Church (MCC) tiin min thlen hnu, 2006 ah mission rian kan thawk. Kanmah tein mission field a ngei kho rih ding kan rak si lo caah ZBC tang, anmah he pehtliahnak in minung (2), Rev. Do Nang le Palai Daw Mya Tan thlah an rak si. 2008 kum ah minung (2), Palai Tha Neih Thang le Palai Dawt Chin Sung thlah chap an rak si. Palai Daw Mya Tan cu sianginn kai ding a si caah ZBC nih Palai Nu Sang a kan thlen piak than i, Palai Nu Sang 2008 in a thawk ve. Palai Nu Sang cu dam lo ruangah Palai Sui Nei Par an kan thlen piak than.

Rev. Do Nang, a mission field in minung (5) theipar kan hmuh hna.

Palehwah peng ngaktah sianginn kaiternak

Lai Baptist Yangon sin in Palehwah peng sifak le ngakttah, nu le pa nih sianginn an kai ter kho lomi, minung (10) cu 2008 in cawm kan rak i thawk. 2009 ah minung (5) an kan chap. Tuchun nitian kan zoh mi hna cu minung (20) an si. 2010 in MCCW nih ttuanvo an lak cang hna.

Mission Statement

A nungmi Pathian a zum i Jesuh Khrih cu ka khamhtu le ka Bawipa a si tiah a zummi paoh cu hmun khat teah i pumh in lungrual tein Pathian ram kauhnak le Jesuh Thawng tha karhternak caah rian tuan ti le mah le zumhnak pawm ning (doctrine) kha fak tuk in dir pi loin Pathian kha pumpak za lawnnak le hawi dang zumhnak zong theih piak thiam in thangthat le biak in Khrihfa zumhnak le nunzia cu a zungzal in kannunak ah langhter in i tlaih peng ding a si.

Member Cohlannak

Chinmi a si i Khrihfa a simi paoh cu chuntel ah cohlan khawh a si. Pumpak zong in siseh a buu zongin pehtlaihnak tuah khawh a si.

MCC member asi mi cu

  • Thlarau thazang laknak le thanchonak caah a herh ning in cawnpiaknak ngaih khawh a si.
  • Fimnak le taksa caah a herhmi Training aman lo in kai khawh a si.
  • Khrihabu chung zumtu dang hna he dawtnak in chiatnak le lunglawmhnak i hrawm a si.
  • Chungkhat thih lonak ton tikah thutpinak le bulhnak, mah pumhpak ton sual ahcun Khrihfabu nih a herh ning in tuanvo lak a si.
  • Nupithi/va ngeimi hna cu aman loin Pastor nih lehthahnak le lehhmah pek a si.
  • Nupithi/va ngei le nauthar a ngeimi hna laksawng pek a si.
  • Siizung kai le zawtfah dam lo caan riantuantu upa le Pastor nih thlacam piak le thazang pek a si.
  • Pumhnak ah kalnak a ngei lomi hna don le thlah a si.
  • Um le kheng, motor le trailer hna a herh caan poah ah man lo in hman khawh a si.
  • Thutdirnak le khuasaktintuknak  ah bawmh a herhmi a herh ning in zoh piak le bawmh chanh a si.
  • Fale hna Bible cawnnak le lengah pinic kalnak ah telter khawh a si.
  • Mino hawikomhnak le pinic kalnak te pawl zongah telter khawh a si.
  • Pathian ram kauhnak le Jesuh khamnak thawngtha karhnak  caah Khrihfabu nih rian a tuannak ah si khawh chungin  Chim puannak zong in, thazang zongin  i tel ding.
  • Khrihfabu nih pumhnak a hrilh mi paoh ah pumh khawh i zuam ding
  • Cheuhra cheukaht siseh, Biakinn thawh siseh, Mission le a dangdang
  • Pathian riantuannak caah a herhmi thawh lawm le lawm thawh lungtho tein pek ding
  • Khrihfabu nih siseh riantuantu upa hna nih an hrilhmi rian ah lungthon tein tuan ding
  • Khrihfabu nih a herh tiin rian fialmi lungtho tein cohlan ding
  • Khrihfabu caah  a tha lomi thil  le buaibainak chuahpi lo ding.

Posted in Churches & Fellowships

Related Listings

Write a review

You must be logged in to post a comment.