Lutuv Chin Christian Church- USA

Visited 897 times, 1 Visit today

734 N 78th St, Kansas City, KS 66112, USA

Website

Submit a Review

Contact:

Pastor Dawt Peng

Church Kong

Lutuv Chin Christian Church cu kan biakmi Pathian nih a dirhmi a si ti hi a hmasabik ah chim ka duh. A pahnihnak ah Kansas City um Lutuv mi nih  lungrual tein kan rak tuahmi chungkhar thlacamnak in aa thawkmi Khrihfabu a si.

Lutuv Chin Christian Church tuanbia kan zoh tikah philhawk a tha lomi cu kan Lutuv miphun chung in Kansas City ah khua a rak tla hmasatu hna Pu Tial Hu le Pu Peter Ze Thang hna hi an si. An nih hi January 4, 2009 kum ah Washington DC in Kansas city ah riantuan dingah a rak phan hmasa mi hna an si. Cu lio i an rak umnak cu 414 Ann Ave, Kansas City, KS 66101 ah a rak si. Tlawmpal ah Texas lei in Pu Pa Hmung le Tin Za Hmung, California lei in Pu Khar Tial chungkhar, Florida lei in Pu Cung Lian  te nuva hna an rak phan cio hna. Cun February 4, 2009 ah Washington DC in Pu Naing Aung le Pu Win Maung hna an rak phan ve.

Zarhkhat ah ni (6) riantuan a si caah kan i dinh ni zarhpi zan poh ah innchungkhar thlacamnak kan rak tuah lengmang. Bawipa nih Kansas City cu kan Lutuv mi hna umnak caah khua a rak khan bantuk in thlakhat hnu thlakhat mithar kan ni chap chin lengmang. Cu ti cun kan miphun cu nikhat hnu nikhat kan karh chin lengmang caah kan mah le holh, nunphung tein Bawipa Pathian kan thangthat khawh ve nak hnga tiin June 6, 2010 kum ah Lautu Christian Fellowship, Kansas City ti min bunh in  inn dong (15) le member (70) kan rak dirh. Cuticun inn khat hnu innkhat in pumhnak le Pathian thangthatnak te cu kan rak thawk. Culio ah Lautu Christian Fellowship ah riantuantu Khrihfa upa hna cu atanglei bantuk hin an si.

Chairman Pu Naing Aung
Vice Chairman Pu Di Man
Secreatary Pu Win Maung
Assistant Secretary Pu Robin Tin Ke
Treasurer Salai Thawng Tin Lian
Assistant Treasurer Pu Cung Lian
Auditor Pu Thawng Hu
Member Pu Bawi Tin

Nubu Hruaitu Upa

Chairman Pi Vung En Cing
Vice Chairman Pi Zung Par
Secretary Pi Men Sui Tial
Assistant Secretary Pi Bawi Iang
Treasurer Pi Aye Aye
Assistant Treasurer Pi Sui Ci
Member Pi Khin Di
Member Tial Hlei Sung

Mino upa hna

Chairman Val Peter Ze Thang
Secretary Val Tli Khia
Treasurer Val Vang Kung

Fellowhship in Church ah thlennak

Kan biakmi Pathian nih nikhat hnu nikhat lam a kan hruai i thluachuah  a kan pek chinchin bantuk tein kan fellowship chung member zong nikhat hnu nikhat kan karh chin lengmang caah kan mah le holh tein Pathian kan thangthat khawhnak hnga a dang tein chuah dingah September 4, 2010 ah Lautu Christian Fellowship meeting nih biachahnak a rak ngeih. Cuticun kan mah tein Pathian kan thangthat khawhnak hnga Chin Evangelical Church, EC Meeting tuah mi September 5, 2010 ah Pu Naing Aung, Pu Robin Tin Ke le Pu Bawi Tin hna nih an rak hal hna i EC Meeting nih lunglawm tein hnatlak pinak an rak ngeih hnu ah September 12, 2010 thawk in kanmah tein 796 Center Ave, Kansas City, KS 66102 ah pumhnak kan rak ngei hna. Cun October 10, 2010 ni thawkin Lautu Christian Fellowship cu Lutuv Chin Christian Church tiah minthlen a rak si. Kan Khrihfabu member kan karh chin lengmang caah appointment kal dingah harnak tampi kan ton caah a kan bawmtu ding Social worker kan herh ti a si i, November ,2011 thawk in Pu Za Ceu Lian chung kharkhar cu Social Worker ah kan rak lak hna.

Cun January 6, 2012 thawkin kan Khrihfabu cu Pathian dawtnak thawngin USA nih theih hngalh mi Khrihfabu kan rak si ve.
Kum 2013 thawkin Saya Dawt Peng cu Part time Youth Pastor ah kan rak lak.
March 22, 2015 thawkin  Pastor Dawt Peng cu kan Khrihfabu ah caan tling pastor in kan lak.

Kan Bawipa Pathian nih kan Khrihfabu cu nikhat hnu nikhat thluachuah a kan pek chin lengmang i nihin ahcun inn dong (70) leng, member in (400)  lengkai kan si ve cang. Bawipa min thangthat si ko seh!

Kan Khrihfabu cu zumtu hna lungrual tein tuahmi chungkhar thlacamnak in aathawkmi buu a si caah nihin tiang Bawipa nih lam a hruai bantuk in hmailei can saupi tiang zong lam a kan hruai lai tiah zumhnak le ruahchannak ngeih buin a kal cuahmahmi a si.

Kan Khrihfabu le member dihlak Bawipa nih thluachuah pe chin ko seh!

Lunglawmhnak tampi he,
Pu Naing Aung

Posted in Churches & Fellowships

Related Listings

Write a review