Atlanta Chin Baptist Church ( ACBC ) Suahkehnak thuanthu tawi

A hmaisabik ah ACBC kum hra kheng lam in hruai tu Pathian hmin sunglawi sin seh !!! Amen
ACBC kawhhran hringsuak thei ding ih lam rak sialtu hi 1998 kum Atlanta khua ah Pathian ih din suah mi Laicin Christian Fellowship ( LCF ) asi. Hi Fellowship dinsuah lai ih a rak tel tu pawl cu laicinsempi sungkhat unau a si mi Pu Van Lian Kio, Pu Jacob Lian, Pu William Ngun Lyan, Pu Lal Ce Mang, Pu Thu Mawi, Pu Hrang Vung Thang te inn sang pawl tla an si. Inn sang tin ah zanriah kil tlang nak thawn thla khat voi khat Pathian biak khawmnak kum thum sung an nei .A hmaisa kum hnih sung cu pastor an nei lo ih a netabik kum ah Rev. Lal Nei Thang in kum khat zikte a kai hruai.


Kawhhran nei lo ih fellowship lawng ih um ringring hi saduh a that in di a riam thei ngaingai deuhlo ti ih ruah khawm nak a um ruangah kawhhran din ding in an rel khawm hnu ah, a hnuai lam ih ruangzing laireltu ( Working Committee ) din a si.
William N Lyan, Dr. Za Hlei Thang, Jacob Lian, Van Lian Kio, Sa Tin Lal, Tin Ko, Run Hlei Sum, Lian Uk Lyan, Van Kip Par tla an si. Dec. 09, 2001 ( Sun ) Pu William N. Lyan tei inn hmang in Atlanta Chin Baptist Church biakkhawm hram a t’o, mi pum 52 an si. Biak inn an nei hrih lo ruangah a voi hnih nak biakkhawm can ( 12/16/01 ) cu 3485 Hwy 78, Inviting event ah neih a si. Cumi hnu 01/20/02 ih sin 1290/D –Unit, GMBA Bldg ah khawm a si. Jan. 28, 02 ah ACBC cu Gwinnett Metro Baptist Association in nemhnget lungkimpi nak a nei ih, Geogia Baptist Convention le Southern Baptist Convention thawn pehtlaihnak affiliated neih a si.


ACBC kawhran kaihruai tu Rev. Biak Ceu Dec 2001 in June 2002 tiang part time in siseh , July 2002 in Feb, 2010 tiang full time in siseh a t’uan hnu ah Rev. Dr. Khaw Lian Uk in tuisun ni tiang a kai hruai.


ACBC hram t’o kum ( 2001 ) ah sungtel 66 lawng an rak si nan tui sun ni ah sungtel 160 leng lo tiang thlawsuah in pe tu Pathian hmin thang t’hat in um seh. Zesuh Khrih sungah hrambun tahratin din suahmi Atlanta Chin Baptist Church cu mai tualsung tong hmang in, hi leitlunah alnak le tleunak ( Matt 5:13-14 ) thawn, midang riantu ( Mk. 10:45 ) si in, Ruundamnak Thuthangt’ha karhzai tertu ( Matt. 28:18-19 ) Kawhhran si hram seh ti’ n Pathian kut thianghlim sungah kan hlaan a si.

(Source: https://www.facebook.com/acbcbiakinn/) .

 

Slået op af Atlanta Chin Baptist ChurchOnsdag den 13. november 2013

Posted in Churches & Fellowships

Related Listings

Write a review